Poems

NAA KAVITHALU

"I capture the random thoughts that run in my mind"

Below are few lines that I have written whenever some thoughts crossed my mind randomly. Hope you like them.

      POEM 1

      విలాసాల వెనక మనిషి పరుగులెత్తె

     అన్ని బంధాలు ప్రేమలు మసకబారె

     చిన్న చిన్న ఆనందాలను మరచి ఎక్కడికో ఈ పరుగుల పయనం

     బుజ్జిగాడి మాట భలేమంచి మాట !!

          

                       - by ప్రదీప్ సాధనపల్లి

      POEM 2

      మనుషుల మధ్య ప్రేమలు ఆవిరైపోయె

     డబ్బుపై వ్యామోహం మనసులను కప్పివేసె
     విలువలు మాయమై స్వార్ధమే రాజ్యమేలెనే
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 3

      తపస్సు చేసి దేవుడినే కిందకు దింపవొచ్చు
     ప్రయత్నిస్తే రాయి నుండి నూనె తీయవొచ్చు
     అరవై జన్మలెత్తినా ఆడదాని మనసు అర్ధమవదు
     విశ్వదాభిరామ జర తెలుసు కొనరా మామా !!

          

                        - by ప్రదీప్ సాధనపల్లి

      POEM 4

      రాత్రులందు చుక్కలు బారులు తీరి
     కాంతులు నలుదిక్కుల విరజిమ్మునయా
     బారుకెల్లి చుక్కకొడితే వచ్చే కాంతే వేరయా
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 5

      మగువ చూడు చందమామ వలె నుండు
     మరో కోణము చూడ మగవాని మతులు పోవునయా
     లోకంలో మందుకింత గిరాకి మరందుకే కదయా
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 6

      ఈ లోకమంతా దేవుని సృష్టి ఐతే
     మందు మనిషి చేసిన ప్రతిసృష్టి కదయా
     ఆ మందు సృష్టించే మరో లోకం మతులే పోవునయా
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 7

      అద్దము పగిలిససు అతికించవచ్చును
     మందు లేకున్నను మత్తులో తేలియాడవచ్చును
     మనసుకు గాయమైనచో మరో దారి లేదయా
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 8

      చావుపుట్టుకలు మన చేతిలో లేవురా
     వాటి నడుమ జీవితము గురించి దిగులేల !
     మనము పోయినను మన పేరు బతకాలయా
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 9

      దేవుడున్నాడో లేడో చూసినవాడు లేడయా
     కానీ అమ్మ ప్రేమను చూడని వారుండునా
     కనిపించే అమ్మని కదయా పూజించి ప్రేమించాల్సినది
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 10

      ధనము ధనము అంటూ పరుగు యేల
     చేతులు మారే కాగితానికి జీవితం దాసోహమేల
     మనము మనము అంటూ బతుకుటలో గమ్మత్తు ఉందిరా
     బుజ్జిగాడి మాట భలేమంచి మాట !!

          

                        - by ప్రదీప్ సాధనపల్లి

      POEM 11

      ధనము కాదు
     హృదయం నిండా సంతోషం ముఖ్యం!

     ఆస్థిపాస్తులు కాదు
     ఆరోగ్యంగా ఉన్నామా అన్నది ముఖ్యం!

     మనకిష్టమైనవారు కాదు
     మనల్ని మనసారా ప్రేమించేవారు ముఖ్యం!

     సామాజిక హోదా కాదు
     గుండెల నిండా మనశ్శాంతి ముఖ్యం!

     ఆశల చిట్టా కాదు
     నిరాశలు లేకుండా చూసుకోడం ముఖ్యం!

     వయస్సు కాదు
     మనస్సును యవ్వనంగా ఉంచడం ముఖ్యం!

     ఆయుష్షు కాదు
     కలకాలం మన పేరు నిలబడడం ముఖ్యం!

     సుఖాలు కాదు
     కష్టాలను జయించగల విశ్వాసం ముఖ్యం!

     పోయాక ఫొటోని కాదు
     మనతో ఉన్న మనుషుల్ని ప్రేమించడం ముఖ్యం!

     చివరగా..

     స్వర్గానికి చేరడం కాదు
     నవ్వుతూ పదిమందిని నవ్వించడం ముఖ్యం!
     అందరినీ ప్రేమిస్తూ ప్రేమించబడడం ముఖ్యం !
     ఉన్న జీవితాన్నే స్వర్గంలా మార్చుకోడం ముఖ్యం!!

          

                        - by ప్రదీప్ సాధనపల్లి

      POEM 12

      నువ్వు నన్ను కలిశాక...
     కాలాన్నే మరచిపోయాను !

     నువ్వు మాట్లాడుతుంటే...
     ఏం చెప్పాలో మరచిపోయాను !

     నువ్వు నవ్వుతుంటే...
     బాధలన్నీ మరచిపోయాను !

     నువ్వు బాధపడుతుంటే...
     ఆనందాన్నే మరచిపోయాను !

     నువ్వు మదిలో మెదులుతుంటే...
     నిద్దుర పోవడమే మరచిపోయాను !

     నువ్వు కనిపించకుంటే...
     రెప్ప వేయడం మరచిపోయాను !

     నువ్వు ఎదురుగా ఉంటే...
     ఈ లోకాన్నే మరచిపోయాను !

     నా మనసే నీదయ్యాక...
     అసలు జీవించడమే మరచిపోయాను !!

          

                        - by ప్రదీప్ సాధనపల్లి

      POEM 13

      ఒక్క క్షణం చాలదా
     ఊపిరాగి శవముగ మారడానికి!

     ఒక్క నీటి బిందువు చాలదా
     తొలకరి పరవశించడానికి!

     ఒక్క మాట చాలదా
     పిరికితనం ధైర్యముగ మారడానికి!

     ఒక్క అడుగు చాలదా
     విజయానికి దారులు తెరుచుకోడానికి!

     ఒక్క సంఝటన చాలదా
     జీవిత గమనాన్ని మార్చడానికి!

     అలాగే...
     ఒక్క కారణం చాలదా
     నాలో ప్రేమ పుట్టడానికి, నా మనసే నీదవడానికి !!

          

                        - by ప్రదీప్ సాధనపల్లి

      POEM 14

      భద్రం బీకేర్ ఫుల్ బ్రదరూ
     బయటకు వెళ్లకు చావుకు ఎదురు!
     కరోనా వల్ల దునియా అయ్యింది బేజారు
     నీ మేలుకోసమే ఆంక్షలు పెట్టింది సర్కారు !!

     షాపింగ్ గట్రా జర ఆపు గురూ
     తగ్గించు కొంతకాలం నీ హుషారు !
     ఆపేసేయి నీ సరదాలూ షికారు
     లేకుంటే జీవితమే ఔతుంది బేకారు !!

     కరచాలనం ఆలింగనం వొద్దని డాక్టరు
     మరీ మరీ చెప్తుంటే జర విను గురూ ! 
     బారుల ముచ్చట అసలొద్దు బ్రదరూ
     సోలో గానే లాగించు స్కాచు బీరూ !!

     ఫోన్లో చూస్కో బంధు మిత్రుల మ్యాటరు
     ఇంట్లో ఉంటేనే పెరుగుతుంది నీ లైఫు మీటరు !
     ఫ్యామిలోతో టీవీ చూస్తూ ముచ్చట్లాడు గురూ
     లోకంతో సోషల్ డిస్టన్సే సో బెటరూ !!

     అడుగు బయట పెట్టకురా ఓ సోదరా
     అది నీ చావుకి రహదారి తెలుసుకో జరా !
     కాలూ చేయి కదలకుండ కాముగుండరా
     కరోనా మీద యుద్ధమంటే అంత సులువురా !!

          

                        - by ప్రదీప్ సాధనపల్లి

      POEM 15

      వేసే ప్రతి పెగ్గు మత్తెక్కించదు
     ప్రేమించే ప్రతి అమ్మాయి పెళ్లి చేసుకోదు
     ఎదురయే ప్రతి కష్టం నిను ఓడించదు
     విశ్వదాభిరామ అర్ధం చేసుకోరా మామా !!

                        - by ప్రదీప్ సాధనపల్లి

      POEM 16

      ముందెన్నడూ చూడని గడ్డుకాలమురా
     దేశాలకే అంతుచిక్కని అంటురోగమురా
     అడుగు బయటపెట్టకుండా దాన్ని అంతమొందించరా 
     విశ్వదాభిరామ విని చావరా మామ !!

                        - by ప్రదీప్ సాధనపల్లి

      POEM 17

      వైరసులన్నీ ఒక్క పోలిక నుండు
     కాని పట్టి పీడించు తీరే వేరుగ నుండు
     కరోనా ముందు దేశాలే తల్లడిల్లెనయా
     విశ్వదాభిరామ జర భద్రంరా మామా !!

                        - by ప్రదీప్ సాధనపల్లి

      POEM 18

      ఏడుస్తూ మొదలయే జీవితం
     ఏడిపిస్తూ ఔతుంది సుఖాంతం

     నడుమ బ్రతుకే  ఒక చదరంగం
     ఈ ఆటను చేయబోకు రణరంగం

     ఒడిదుడుకుల ఓ చిరు ప్రయాణం
     ఆదమరిచావో నరకమే ప్రతిక్షణం

     ఎంత దూరం కాదు లక్ష్యం
     ఎంత మధురం అన్నదే ముఖ్యం

     దేనికోసమో తెలియని ఆరాటం
     ఎందుకో అలుపెరుగని పోరాటం

     ఆశలు అనంతం కోరికలు అనేకం
     అదుపు తప్పినచో కనపడును నరకం

     నాకే అనుకుంటే ప్రమాదం
     మనకు అనుకుంటే ప్రమోదం

     అయ్యావో డబ్బుకి దాసోహం
     ఎన్నటికీ తీరదు ఆ దాహం

     బంధాలను ప్రేమానురాగాలతో బందించు
     ఆనందం పరవళ్ళు తొక్కి ప్రవహించు

     నవ్వుతూ నవ్విస్తూ సాగించు జీవితం
     స్వర్గమే అవుతుంది నీ సొంతం !!

                        - by ప్రదీప్ సాధనపల్లి

      POEM 19

      శుక్రవారం రాగానే 
     చిందులేసే పులులు
     బిక్కు బిక్కు మంటూ
     ఇంటిపట్టునున్నాయి....

     అడుగు బయట పెట్టలేక
     అందరినీ కలవలేక
     సోలోగా తాగలేక
     సొల్లు టాపిక్స్ చర్చ లేక...

     రవన్న చికెను లేక
     జగనన్న జుకినీ లేక
     కోడిగుడ్డు కానరాక
     మిర్చిబజ్జి మరవలేక....

     నందన్న పాట లేక
     మోడీగారి ముచ్చట లేక
     సత్గురు సందేశం లేక
     యూతు చేసే చిందు లేక...

     కరీనాను కూడా మరచి
     కరోనానే తలచి తలచి
     పులులు పిల్లులౌతాయేమోనని
     దిగులుగా ఉందిరా మల్లేశా !!

                        - by ప్రదీప్ సాధనపల్లి

      POEM 20

      ఏదో చెప్పాలని ఉన్నా...
     మాట పెదవి దాటకుంది ఎందుకో !

     ఏదో అడగాలని ఉన్నా...
     మౌనమే సమాధానం ఔతోంది ఎందుకో !

     కొన్ని భావాలకు మాటలు చాలవేమో...
     కొన్ని ప్రశ్నలకు సమాధానాలు అవసరం లేదేమో !

     హృదయం చెప్పేది అర్ధమౌతోన్నా కూడా...
     మనసు ధైర్యం చెయ్యనంటోంది !

     కొన్ని సార్లు మనసులో జరిగే అలజడికి...
     మౌనమే సరైన భాష ఏమో !!

                        - by ప్రదీప్ సాధనపల్లి

      POEM 21

      అందుబాటులో పనివారు అరచేతిలో అన్నీ సమకూరె
     లేచామా తిన్నామా పనికి పోయామా అన్నట్టుండె
      కానీ కరోనా వల్ల తెలిసొచ్చెనే అమెరికాలో వారి తిప్పలు
     బుజ్జిగాడి మాట భలేమంచి మాట !!

                        - by ప్రదీప్ సాధనపల్లి

      POEM 22

      బయటకు వెళ్ళడానికేలరా తొందర
     కరోనా చేసెను అంతా చిందరవందర
     కనిపించని శత్రువుతో నీకు కయ్యమేలరా
     విశ్వదాభిరామ విని చావరా మామా !!

                        - by ప్రదీప్ సాధనపల్లి

      POEM 23

      కరువంటె ఏమిటొ ... ఉయ్యాలో ...
     తెలిసొచ్చె ఇయ్యాల ... ఉయ్యాలో ...
     అబ్బబ్బ ఓయబ్బ ... ఉయ్యాలో ...
     మందేమొ అడుగంటె ... ఉయ్యాలో ...
     తాగేసి ఊగేసి ... ఉయ్యాలో ...
     ఎన్ని దినాలాయె ... ఉయ్యాలో ...
     నరాలు గుంజేసె ... ఉయ్యాలో ...
     నాలికేమొ లాగేసె ... ఉయ్యాలో ...
     అయ్యయ్యొ ఓరయ్యొ ... ఉయ్యాలో ...
     లాక్డౌను మన్నుగాల ... ఉయ్యాలో ...
     ఎత్తి సావండ్ర ... ఉయ్యాలో ...
     కరోనా సంగతేమొ ... ఉయ్యాలో ...
     మందులేక చావొచ్చె... ఉయ్యాలో !!!!

                        - by ప్రదీప్ సాధనపల్లి

      POEM 24

      సింగిల్ మాల్ట్ స్కాచ్చు 
           గ్లాసులో ప్రేమగా  పోయంగ...
     చల్లని ఐసు గడ్డలు 
           కొన్ని అందులో వెయ్యంగ...
     సోడా కలిపినాక 
           అది బుసలు కొట్టంగ...
     ఒక్కో సిప్పు చేసుకుంటూ
           చికెను ముక్క కొరకంగ...
     మెలమెల్లగా మందు చుక్క 
           గొంతులోకి దిగంగ...
     చికెను మసాలా ఘాటు 
            మెదడుకు చేరంగ...
     ఆనంద డోలికల్లో మనసే
            హాయిగా ఊగిసలాడంగ...
     గురుతొచ్చిన కబురులన్నీ
            ఆవేశంతో ముచ్చటలాడంగ...
     దేహమే మైమరచిపోయేలా
             పాటలతో చిందులెయ్యంగ...
     స్వర్గమంటే ఇదే కదరా అని మురవంగ !
     అలసి సొలసి మెల్లగా నిద్రలోకి జారంగ !!

                        - by ప్రదీప్ సాధనపల్లి

      POEM 25

      Life is crazy and never easy
     Wishes keep expanding
     Time is never enough
     Satisfaction has no place
     Relationships become artificial
     Selfishness takes prominence
     Money occupies the minds
     Fake seems more real
     Happiness becomes only display piece !!

     Some chase money
     Some chase success
     Some chase status
     But how many chase happy moments?

     Best memories in life are not things
          They are happy moments !
     Life in your days matters most
          Not the days in your life !

     Laugh....
          It doesn’t cost you anything !
     Laugh....
          It just spreads happiness around !
     Laugh....
          It adds life to your years !
     Laugh....
          It creates hope !
     Laugh....
          It truly is contagious !
     Laugh....
          It makes you better inside !
     Laugh....
          Because life is worth living !
     Laugh....
          Because nothing matters but this moment !
     Laugh....
          Because life should be filled with happy moments not regrets !!!

                        - by ప్రదీప్ సాధనపల్లి